ابڙو اڪيڊمي Abro Academy
2020-07-18
داخلا نمبر 507
عنوان ڳجھه خاڪي
شاخ پکي
پڙهيو ويو 334
داخلا جو حوالو:
ڳجھه خاڪي
95 کان 105 سينٽي ميٽر جسامت وارو ھي پکي نيم صحرائي ۽ خشڪ علائقن ۾ نظر ايندو آھي. خاڪي ڳجهه جا نر ماد به هڪجهڙا ٿين ٿا. جسم جو مٿيون حصو (پٺي) اکروٽي ناسي ٿئي ٿو ۽ هيٺيان حصا ڳاڙها ناسي ٿين ٿا. هن ڳجهه جي ڪنڌ تي اڇيري ھيڊي جھالر ٿئي ٿي، ڳچي ٺوڙهي ٿئيس ٿي.
ھيءَ ڳجھه به عام طور خاموش رھندي آھي پر ڪڏھن ڪڏھن ڪُرٽندي، سسڪاريندي ۽ ھڏڪار ڪندي آھي. شڪار جي ڳولا ۾ ِ وڏا سفر ڪندي آھي ۽ ڍونڍ جي چوڌاري ميڙ ڪري، وڏين ڳجھن کان پوءِ پنھنجي واري جو انتظار ڪندي آھي. نسلي افزائش جو عرصو جنوري کان اپريل اٿس. آکيرو اڪيلو يا ننڍين ڪالونين ۾ ٺاھي ٿي جيڪو جابلو ڪنڌين تي ڪاٺڙين، ٽارين ۽ پنن جي وڏي ٿلھي وانگر ھوندو آھي. ھيءَ ڳجھه ماحول : 3 ۾ رھي ٿي.